As posibilidades de previr enfermidades mediante vacinacións, no neno e no adulto, crecen de forma constante e rápida. 

A revisión frecuente e periódica dos calendarios vacinais comunitarios é xa imprescindible, cos obxectivos de incorporar novas vacinas, reducir a súa complexidade e simplificar a súa aplicación. 

A actualización das pautas de inmunización non é por si soa suficiente, as instancias públicas pertinentes  deben promocionar a súa adecuada divulgación  para conseguir que a totalidade da poboación se beneficie da dispoñibilidade de preparados vacinais eficaces e seguros.

A xornada ten como obxectivo afondar nos principais desafíos e avances no ámbito da vacinación, centrando a atención en tres eixes fundamentais: o reto da mellora continua na vacinación fronte á gripe, a vacinación como ferramenta clave na prevención das infeccións de transmisión sexual (ITS) e a conmemoración dos 50 anos do calendario de vacinación en Galicia. 

Trátase dun espazo para o intercambio de coñecementos e experiencias, orientado á actualización profesional e á mellora continua.