O día 30 de marzo púxose en marcha a iniciativa de comunicación on-line "Xente con Vida", que estará presente en web, blog, Facebook e Twiter, con información sobre alimentación saudable, onde se poden encontrar consellos para mellorar a alimentación infantil, para planificar os menús familiares ou para axudar a previr por medio da dieta moitas das enfermidades que máis afectan á nosa poboación. A páxina web conta con información fiable relativa á alimentación saudable e está dispoñible para todos aqueles aos que lles interesa coidar a súa saúde cunha boa alimentación. Neste momento é necesario realizar unha campaña divulgativa para dar a coñecer a iniciativa "xente con vida" á poboación. Os carteis distribuiranse polos centros de saúde do Servizo Galego de Saúde.