Dentro das recomendacións da Consellería de Sanidade relativas a vacinación fronte á gripe atópanse as mulleres embarazadas, polo maior risco de complicacións ou cadros graves en caso de padecer gripe e COVID-19.

A continuación, preséntase información máis detallada sobre as coberturas de vacinación en mulleres embarazadas. A cobertura refírese á porcentaxe de mulleres deste grupo que recibiu a vacina ao longo da campaña.

Para o cálculo das coberturas, a información sobre as mulleres vacinadas obtense do Rexistro de Vacinas de Galicia, mentres que o número total de mulleres embarazadas é unha estimación baseada nos nacementos do ano anterior, segundo os datos do Instituto Galego de Estatística (IGE).