Charla impartida por Lucía Segovia Cobreros (Responsable do Departamento Profesional do Colexio de Farmacéuticos de Pontevedra) para destacar a importancia de que os pacientes sigan as indicacións do médico para mellorar a súa saúde. Os contidos
inclúen información sobre os diferentes tipos de medicamentos e formas farmacéuticas, como conservar correctamente os medicamentos, o Punto Sigre para a reciclaxe de medicamentos, a adherencia terapéutica e o uso racional dos medicamentos.
Ubicación: Sala Valdecorvos da Casa Azul, Pontevedra

Esta charla impartida por Aldara Vázquez Méndez, Fisioterapeuta, que trata sobre o chan pélvico, conxunto de músculos e ligamentos que pechan a parte inferior do abdome. Falará das disfuncións que poden aparecer nesta zona, como a incontinencia urinaria e fecal, e a caída dos órganos pélvicos. Tamén tratará as causas destes problemas e opcións de tratamento. Ademais, se abordará o descoñecemento xeral sobre o chan pélvico tanto en homes como en mulleres, e como a fisioterapia pode axudar.
Ubicación: Sala Valdecorvos da Casa Azul, Pontevedra

Sesión impartida por Asociación Sociosanitaria Enfermidades Inflamatorias Intestinais e Ostomizados/as (ASSEII).
Esta charla ten como obxectivo coñecer as diferentes causas que poden levar a unha persoa a ter unha ostomía e proporcionar ferramentas para os coidados necesarios para retomar unha vida equilibrada dentro da súa realidade. Os contidos incluirán as causas, os tipos de ostomía, a importancia do impacto físico, psicolóxico e social, os coidados necesarios tanto no centro sanitario como na casa, o manexo dos produtos e como volver a ter unha vida activa cunha ostomía.
Ubicación: Sala Valdecorvos Casa Azul, Pontevedra

Sesión Impartida por: Asociación Sociosanitaria de Enfermidades Inflamatorias Intestinais e Ostomizados/as (ASSEII)
Esta charla aborda a importancia de coñecer como afectan as enfermidades inflamatorias intestinais (EII) nas diferentes idades e na poboación en xeral. Tamén se informará sobre a relevancia da alimentación e dos produtos de cultivo ecolóxico e de cercanía nas EII. Os contidos incluirán unha explicación sobre que son as EII e o que supón ser enfermo crónico de EII, os factores medioambientais, alimentación e estrés, o protocolo de urxencias sanitarias e enfermidade crónica, a atención educativa domiciliaria do alumnado con EII, e o presente e futuro destas discapacidades orgánicas invisibles.
Ubicación: Salón de Actos do Edificio Administrativo da Xunta de Galicia, Pontevedra.