Este local de acceso público, habilitado polo concello, ofrece a todos os cidadáns un contorno de acceso gratuíto a Internet. Os veciños e veciñas poden acceder libremente a este espazo para navegar por Internet, utilizar os ordenadores e periféricos dispoñibles, ou mesmo conectarse como convidados desde os seus propios portátiles.

Este espazo está enfocado en desenvolver iniciativas vinculadas ás tecnoloxías da información e a comunicación (TIC). Convértese así nun centro de teletraballo e servizos telemáticos, co obxectivo de espallar os beneficios das tecnoloxías da información no ámbito rural, promocionar o teletraballo e formar a empresas, traballadores e habitantes do concello e da comarca, preparándoos para a chamada Sociedade da Información.