​

Como consecuencia do incendio dunha nave de produtos fitosanitarios ubicada en Vilagarcía de Arousa, a Consellería de Sanidade informa que o fume orixinado pode causar irritación dos ollos e da gorxa ou dor de cabeza. 

Tamén pode irritar o sistema respiratorio e agravar a situación daquelas persoas que padecen enfermidades cardíacas e pulmonares crónicas, ocasionando dificultade para respirar con normalidade, tose seca ou con flema, respiración con asubío, falta de aire ou molestias no peito.

As persoas que teñen maior risco son os bebés e os nenos e nenas, as embarazadas, as persoas maiores de 65 anos e as que teñen enfermidades respiratorias ou cardíacas crónicas como asma, enfisema, enfermidade obstrutiva pulmonar crónica, insuficiencia cardíaca conxestiva ou anxina.

As principais recomendacións para protexer a saúde son: 

Limitar a exposición ao fume, abandonar a área se é dos que corren un maior risco por mor da inhalación de fume e estar atentos ás noticias ou alertas de saúde relacionadas co incendio.

Se permanece dentro da casa, manteña o aire interior tan limpo como sexa posible. Manteña portas e fiestras pechadas. Se conta con aire acondicionado, utilíceo. Se non conta con aire acondicionado e fai moito calor dentro da casa por ter as fiestras pechadas, refúxiese noutro lugar que estea máis fresco.

Evitar aumentar a contaminación nos espazos pechados.

Se sofre asma ou outra enfermidade pulmonar, asegúrese de tomar todos os seus medicamentos segundo as instrucións médicas e chame ao seu médico ou ao 061 se os seus síntomas empeoran.

Se presenta síntomas respiratorios graves ou empeora drasticamente a súa saúde, chame ao 061.

Para máis información consulte a web de calidade de aire da Consellería de Sanidade: https://airesaude.sergas.gal/