En Galicia, seguindo as recomendacións da OMS, véñense realizando estudos de saúde bucodental cada 5 anos, dende 1995 entre escolares de 6 a 12 anos. Ao longo desa década producíuse unha mellora na saúde dental dos escolares galegos, cunha redución na prevalencia de carie do 39% aos 6 anos (de 46,7% en 1995 e 28,6% en 2005) e do 18% aos 12 (64,2% e 52,7%). aínda que xa no ano 1995 se cumpriran os obxectivos propostos pola OMS para o ano 2000 na rexión europea. Co fin de continuar a serie quinquenal a Dirección Xeral de Innovación e Xestión de Saúde Pública levou a cabo un novo estudo de Saúde bucodental en escolares de Galicia no ano 2010, incluindo neste caso o grupo de 15 anos. Esta publicación mostra os resultados deste estudo