A través do Plan galego anti VIH/sida e outras infeccións de transmisión sexual (ITS) 2015-2018, a Consellería de Sanidade define a política de saúde pública no eido da prevencióne atención da infección polo VIH e as demais ITS en Galicia. Este plan publicarase en formato pdf a través da páxina web da Consellería de Sanidade para difundir esta política sanitaria entre os sectores implicados e as persoas afectadas co obxectivo de controlar o espallamento do VIH e outras ITS así como mellorar a calidade de vida da poboación galega.