A vacina fronte a gripe é unha vacina empregada na inmunización da poboación de 60 anos ou máis, do persoal sanitario, das mulleres embarazadas, persoas con condicións de risco e dos nenos e nenas de entre 6 e 59 meses. Pode atopar máis información consultando a seguinte ligazón: Información sobre a Gripe.

No presente indicador avalíase a cobertura vacinal fronte á gripe segundo o grupo de idade: 

• Cobertura vacinal fronte á gripe nas persoas de 80 anos ou máis. No numerador do presente indicador figurará o número de persoas con 80 e máis anos que recibiron unha dose de gripe entre setembro e xaneiro do período avaliado e no denominador incluiranse todas as persoas da correspondente cohorte de idade.
•  Cobertura vacinal fronte á gripe nas persoas de 70 a 79 anos. No numerador do presente indicador figurará o número de persoas de 70 a 79 anos que recibiron unha dose de gripe entre setembro e xaneiro do período avaliado* e no denominador incluiranse todas as persoas da correspondente cohorte de idade.
•  Cobertura vacinal fronte á gripe nas persoas de 60 a 69 anos. No numerador do presente indicador figurará o número de persoas de 60 a 69 anos que recibiron unha dose de gripe entre setembro e xaneiro do período avaliado* e no denominador incluiranse todas as persoas da correspondente cohorte de idade.