A Escola Galega de Saúde Pública é un instrumento estratéxico da Consellería de Sanidade, encargado da xeración e transferencia do coñecemento en materia de saúde pública.
A través da súa actividade preténdese fomentar a formación e investigación científica de calidade, necesaria para dar resposta, desde o ámbito da saúde pública, aos desafíos e perigos para a saúde da poboación e as ameazas sanitarias globais.
Marco normativo
A Escola Galega de Saúde Pública foi creada en virtude do Decreto 86/2022, do 19 de maio, polo que se establecen a creación e o marco normativo regulador das actividades da Escola Galega de Saúde Pública.
O seu funcionamento foi establecido pola Orde do 13 de febreiro de 2023 pola que se aproba o réxime de organización e funcionamento da Escola Galega de Saúde Pública.
Benvida do Observatorio
Misión
Crear un espazo de transferencia de coñecemento, formando, investigando e innovando co obxectivo de proporcionarlles un perfil de alta capacidade técnico-científica aos profesionais que desenvolven funcións no seo da saúde pública, a outros profesionais de diferentes ámbitos públicos e privados, así como á cidadanía.
Visión
Contribuír a impulsar unha nova saúde pública que responda aos principios de intersectorialidade, preparada para afrontar as novas ameazas, cun enfoque centrado na cidadanía, na equidade e na ganancia en saúde.
Valores
- O fomento de espazos de colaboración flexibles, tecendo redes de intercambio de información e adaptadas ás novas necesidades.
- A cidadanía como centro de todas as nosas estratexias.
- O compromiso cos profesionais: na procura de ser un instrumento de motivación e progreso persoal e profesional.
- A ética en todas as actuacións da Escola.
- A planificación baseada na evidencia científico-técnica.
- A innovación constante.
- O traballo transparente paa acadar excelencia nas diferentes actividades que se realizan
Eixes estratéxicos
Para o desenvolvemento das súas funcións, establécense os seguintes eixes estratéxicos:
