Análise e visualización de datos de saúde con R Commander

A análise de datos constitúe unha competencia fundamental para os profesionais da saúde pública, permitindo transformar información en coñecemento útil para a vixilancia epidemiolóxica, a planificación sanitaria, a avaliación de programas e a toma de decisións baseada na evidencia.

R Commander é unha interface gráfica do software estatístico R que facilita a realización de análises estatísticas e a creación de representacións gráficas sen necesidade de coñecementos avanzados de programación. Esta ferramenta permite aos técnicos de saúde pública adquirir competencias analíticas de forma accesible, mantendo a potencia e flexibilidade do ecosistema R.

O curso "Análise e Visualización de Datos de Saúde con R Commander" proporciona os coñecementos e habilidades necesarias para importar, xestionar, analizar e representar datos sanitarios mediante procedementos estatísticos básicos e intermedios.

Obxectivo xeral

No curso aprenderás desde a instalación de R Commander ata o manexo de datos, a creación de gráficos e a realización de análises estatísticas descritivas e doutros cálculos estatísticos básicos para o tratamento de datos de saúde.

Obxectivos específicos

Ao finalizar o curso, o alumnado será capaz de:

Utilizar a interface de R Commander para a xestión e análise de información sanitaria.
Importar, depurar e organizar bases de datos.
Elaborar gráficos adecuados para a presentación de resultados.
Realizar análises estatísticas descritivas e cálculos básicos.

Data de celebración: Do 22 de xuño ao 22 de xullo
Lugar de realización: On Line
Tipo de formación: Teleformación
Número de prazas: 20 persoas
Total horas de formación: 20 horas
Destinatarios principais: Persoal técnico da Direción xeral de Saúde Pública e dos Departamentos Territoriais da Consellería de Sanidade

Inscripción e selección de participantes

O curso dispón de 20 prazas.

O período de inscrición estará aberto do 8 ao 17 de xuño.

Co obxecto de garantir a adecuación do perfil dos participantes aos obxectivos do curso, terá preferencia o persoal técnico de saúde pública. No caso de que o número de solicitudes deste colectivo supere o número de prazas dispoñibles, a selección efectuarase atendendo á orde de recepción das inscricións.

As solicitudes que non obteñan praza quedarán en lista de agarda e poderán ser admitidas en caso de producirse renuncias ou vacantes antes do inicio da actividade formativa. As personas que non resulten aceptadas terán preferencia de inscripción en caso de realizar unha posterior edición.