🧑⚕️ DIPLOMADO EN SAÚDE PÚBLICA
Curso oficial acreditado pola Escola Nacional de Sanidade
📍 Modalidade: Teleformación + Defensa presencial en Santiago de Compostela
📆 Datas: do 3 de novembro de 2025 ao 22 de setembro de 2026
🎓 30 ECTS | 275 horas (200 teóricas + 75 prácticas)
💶 Matrícula: 800 €
👥 50 prazas
📩 Solicitudes ata o 30 de setembro de 2025
📧 Inscricións: escola.saude.publica@sergas.es (enviar correo xuntando o modelo de solicitude cuberto e a documentación requerida)
🔗 Mais info
Organizan:
Escola Galega de Saúde Pública | ACIS | ENS
A Dirección Xeral de Saúde Pública convoca a realización do curso de Diplomado en Saúde Pública, a través da Escola Galega de Saúde Pública e da Axencia Galega de Coñecemento en Saúde, acreditado pola Escola Nacional de Sanidade.
O obxectivo deste curso é proporcionar ao profesional da saúde un coñecemento máis profundo das diversas disciplinas da área da Saúde Pública e dar a coñecer os instrumentos imprescindibles que se utilizan para a interpretación, control e avaliación dos problemas de saúde.
O curso constará de 275 horas lectivas, distribuídas en: 200 teóricas e 75 prácticas dedicadas á elaboración dun traballo sobre casos e problemas próximos ao ámbito profesional e da contorna dos participantes, que se defenderá ante un tribunal ao final do curso (30 ECTS).
Calendario:
Parte teórica: do 3 de novembro de 2025 ao 25 de maio de 2026.
Presentación do traballo final: 21 e 22 de setembro de 2026.
Metodoloxía docente: as horas de contido teórico, así como as probas de avaliación de coñecementos, realizaranse na modalidade de teleformación. A defensa do traballo final será presencial.
Oferta de prazas: convócanse 50 prazas.
Prezo: O prezo de matrícula do curso será de 800 euros.
As solicitudes deberán dirixirse á caixa de correo electrónico: Escola.Saude.Publica@sergas.es, atendendo as bases establecidas na convocatoria publicada no Diario Oficial de Galicia de 7 de agosto de 2025.
