A vacinación é unha das medidas preventivas máis eficaces do sistema sanitario, pero presenta importantes áreas de mellora na cobertura da poboación adulta, especialmente en pacientes crónicos, grupos vulnerables, embarazadas e profesionais sanitarios.
Esta actividade formativa busca reforzar coñecementos, competencias clínicas e habilidades de comunicación dos profesionais, promovendo o seu papel activo na recomendación e captación vacinal. Pretende mellorar a calidade asistencial, aumentar as coberturas e reforzar a seguridade do paciente.
Obxectivo xeral:
Mellorar a práctica profesional en vacinación do adulto, reforzando coñecementos, actitudes e responsabilidade preventiva.
Obxectivos específicos:
- Actualizar coñecementos sobre recomendacións de vacinación no adulto e grupos de risco.
- Mellorar a coordinación asistencial para garantir a continuidade preventiva.
- Promover a vacinación no embarazo.
- Reforzar o papel do profesional sanitario na prevención e na seguridade do paciente.
Actividade de formación acreditada pola Comisión de Formación Continuada do Sistema Naciónal de Saúde da Comunidade Autónoma de Galicia.
Destinatarios
- Persoal facultativo.
- Persoal farmaceútico.
- Persoal de enfermaría.
Sedes e datas de realización
Formulario de inscripción
A inscrición é gratuíta e será válida ata completar o aforo das salas.
A admisión realizarase por rigorosa orde de inscrición en función do aforo.
Os non admitidos inicialmente pasarán a unha listaxe de reserva.
Enviarase un correo electrónico aos profesionais rexistrados informado da súa situación.
Pode acceder ao formulario para realizar a inscrición a través da seguinte ligazón
Programación das sedes
O plan de formación desenvolverase durante os meses de abril e maio coa finalidade de poder atender a formación dos profesionais das diferentes Areas Sanitarias. Trátase dunhas xornadas en quenda de tarde distribuidas en diferentes sedes a través da seguinte programación.
Xornadas formativas do mes de abril:
Xornadas formativas do mes de maio:
