Ademais da capacitación técnica transversal común para todas as categorías profesionais, débese alcanzar a seguinte capacidade para:

• manexar a normativa vixente común en saúde pública;
• deseñar, elaborar e avaliar un programa de saúde pública;
• realizar unha análise estatística en ciencias da saúde;
• avaliar un estudo epidemiolóxico;
• realizar buscas bibliográficas para poder elaborar protocolos e informes de calidade no ámbito da saúde pública;
• elaborar e interpretar artigos científicos;
• traballar dun xeito ordenado baseado en procedementos normalizados de traballo;
• deseñar, solicitar e xestionar un proxecto europeo;
• ler, comunicarse verbal e por escrito en inglés;
• redactar todo tipo de disposicións administrativas e lexislativas vinculadas coa saúde pública;
• planificar as liñas de traballo en saúde pública de tal xeito que se alcancen as metas dos obxectivos de desenvolvemento sustentable;
• incluír a saúde en todas as políticas e instaurar a metodoloxía da avaliación do impacto en saúde.